Körpələr və uşaqlar ikincili tütün tüstüsünə məruz qaldıqları zaman qulaq infeksiyası, pnevmoniya, astma tutmaları kimi xəstəliklərdən daha çox əziyyət çəkirlər. İkincili tüütn tüstüsünə məruz qaldığı halda yeni doğulmuş uşağın körpəlik dövründə ölüm ehtimalı yüksəkdir.

Hamiləlik zamanı tütünçəkmə əlavə olaraq vaxtından əvvəl doğuşa, anadangəlmə qüsurla uşağın doğulması və hətta körpənin ölümünə səbəb ola bilər.

Tütün tüstüsü ağciyər xərçənginin əmələ gəlməsinin əsas risk amillərindəndir və ürək-damar xəstəliklərin inkişafına səbəb olur. Az siqaret çəkmək o demək deyil ki, sağlamlığa zərər dəymir. Sübut edilmişdir ki, tütün tüstüsünün tərkibində 7000-dək kimyəvi maddə mövcuddur, bunlardan 250-si xüsusi təhlükəli zəhərli maddə və 70-i xərçəng xəstəliyi yaradan hesab edilir.

Nikotin sakitləşdirici bir vasitə kimi sinir hüceyrəarası informasiya axınının qarşısını alır. Tütünçəkənin sinir sistemi nikotinə uyğunlaşdığından tütünə tələbi daha çox artır. Bu da öz növbəsində tütünçəkənin qanında nikotinin miqdarını artırır. Zamanla, tütünçəkəndə nikotinə qarşı tolerantlıq (dözümlülük) inkişaf edir. Əvvəllər az miqdar nikotindən alınan təsiri əldə etmək üçün daha çox nikotin istifadəsi vərdişinə tolerantlıq deyilir. Bir müddət tütündən istifadə edən şəxs tütünçəkməni təxirə salarsa o əsəbi, acıqlı və gərgin olur. Tütün çəkdikdə narahatçılıq, əsəbilik və bu kimi xoşagəlməz hisslər müvəqqəti keçir.

* Döş qəfəsində ağırlıq və ya diskomfort hissi (Sinədə sıxılma
hissi)
* Baş gicəllənmə
* Baş ağrıları
* Depressiya
* Diqqəti cəmləşdirmə problemi
* Tütün istəyi
* Tərləmə
* Yuxu pozulması
* Ürək ritminin yavaşlaması (bradikardiya)
* Məyusluq və qəzəb hissi
* Həyəcan
* Səbirsizlik
* Qıcıqlanma
* Ağız yaraları
* Yorğunluq
* Öskürək, ağız quruluğu, boğaz ağrısı, burun suyunun axması
* İştahanın artması / bədən çəkisinin artması
* Qəbzlik və meteorizm