Alkoqolun qəbul dozası qaraciyərin  öhdəsindən gələ biləcək miqdarından çoxdursa, bu, qaraciyərin hüceyrələrinə zərər verə bilər və zəhərli kimyəvi maddələrin əmələ gəlməsinə səbəb olur. Belə ki, bu, qaraciyər (sirroz), mədəaltı vəzi, ürək-damar xəstəlikləri, cinsi xəstəliklər, xərçəng və digər xəstəliklərin yaranma riskini artırır. Ümumiyyətlə, nə qədər çox spirtli içki qəbul edirsinizsə, bir o qədər də sağlamlığınıza təhlükə riskini artırırsınız.

Bu sərxoşluq dərəcəsində hərəkət mümkünsüz olur. Hər hansı obyektə diqqəti konsentrasiya etmək mümkün olmur. Güclü coşqunluq hissi yaşanır, tarazlıq hissiyatı pozulur,  reaksiyalar zəifləyir.

Nəticədə:

• yüksək təhlükəli sürmə yaranır;
• ətrafa adaptasiya olmada problem yaşanır;
• idarə etmədə səhvlər buraxılır (məsələn, tormoz və qaz pedalları səhv salınır).

! Eyni həcmdə qəbul olunan alkoqollu içki müxtəlif insanlarda müxtəlif ağırlıqlarda sərxoşluq əmələ gətirir. Bu, əsasən orqanizmin xüsusiyyətlərindən, insanın cinsindən, yaşından və alkoqoldan asılılıq səviyyəsinə görə fərqlənir.

Çoxlu spirtli içki qəbul etmək səbəbindən orqanizm alkoqola öyrəşir və alkoqol qəbulunun təsiri keçdikcə spirtli içki qəbulundan 3-8 saat sonra “lomka” əlamətləri (spirtli içkilərdən tamamilə çəkinmək istədikdə yaranan əlamətlər) yarana bilər. Belə ki, bu əlamətlərə görə  alkoqol qəbulun tərgidilməsi çətinləşir. Bu əlamətlərə ürək bulanma, titrəmə, tərləmə, spirtli içkiyə yenidən həvəs yaranma, özünü pis hiss etmək kimi əlamətlər daxildir. Bəzi hallarda konvulsiya (titrətmə) baş verir.

Nəticədə, bu əlamətlərin qarşısını almaq üçün spirtli içkini müntəzəm şəkildə qəbul etmək məcburiyyəti yaranır. Spirtli içki olmadığı təqdirdə, bu əlamətlər, adətən, 5-7 gün ərzində davam edir, lakin alkoqola meyllik daha da çox uzun çəkir.

Spirtli içkilərdən istifadə həm də bir sıra psixi pozuntularla gətirir. Spirtli içki qəbul edən yeniyetmələrdə davranış pozuntusu, əsəbilik, baş ağrılar, diqqət dağınıqlı yaranır. Spirtli içkilərdən istifadənin ağız boşluğu, udlaq, qırtlaq, qida borusu, qaraciyər, yoğun bağırsaq, düz bağırsaq və süd vəzi xərçəngi ilə bağlılığına dair kifayət qədər sübutlar var.

Alkoqolizm - spirtli içkilərin sui-istifadəsi nəticəsində yaranmış və xroniki intoksikasiya doğuran, spirtli içkilərdən psixi və (və ya) fiziki asılılıqla, habelə digər mənfi tibbi–sosial nəticələrlə ifadə olunan xəstəlik vəziyyətidir.