VALİDEYNLƏR ÜÇÜN

Qəbul etdiyiniz dərmanlara nəzarət

Əgər ürək xəstəliyiniz varsa, gələcəkdə sağlamlıq problemləri ilə bağlı ən yaxşı sığortanız dərmanlardır. Buna görə də dərmanlarınıza nəzarət olduqca vacibdir.

Bu dərsdə Siz öyrənəcəksiniz:

• Dərmanlarınızın qəbulu nə üçün vacibdir
• Dörd geniş yayılmış dərmanların ürəyinizə təsiri nədir
• Dərmanların təsirinin daha yaxşı başa düşülməsi üçün səhiyyə işçiləri ilə necə əməkdaşlıq etməli
• Dərmanların idarə edilməsi üçün məsləhətlər

Mən nə üçün dərmanlarımı qəbul etməliyəm?

Əgər infarkt keçirmisinizsə, çox güman ki, həkim ömrünüzün sonuna kimi qəbul edəcəyiniz dərmanları Sizə yazıb.

Yaxşılaşma hiss etsəniz belə, həkimin təyin etdiyi qaydada dərmanların qəbulunu davam etməyiniz digər ağırlaşmarın riskini azaldır və ürəyinizin möhkəm olmasına və həyatınızı tam şəkildə yaşamağa imkan yaradır.

Dörd ən çox yayılmış ürək dərmanları

Müəyyən dərmanlar gələcəkdə təkrar ürək tutması və ölüm riskinizi azalda bilər. Bunlara dörd qrup dərmanlar aiddir:

• beta-blokatorlar
• antitrombositlər
• ACE inhibitorları
• statinlər

Həkiminiz Sizin xüsusi tələbatınıza uyğun olan dərmanları yaza bilər.

Dərmanları daha yaxşı tanımaq

Dərman qəbulu Sizin üçün yenilik ola bilər və Siz bir çox məlumatı yadınızda saxlamalı olacaqsınız. Məsələn, Siz bunu nədən ötrü qəbul edirsiniz? Siz bunu nə vaxt qəbul etməlisiniz? Hansı tezliklə və həblərin neçəsini qəbul etməlisiniz? Sağlamlığınız üçün dərmanları düzgün, həkimin təyin etdiyi qaydada qəbul etmək lazımdır.

Öz həkiminiz və ya tibb bacısı ilə birlikdə aşağıdakı sualları nəzərdən keçirərək, qəbul edəcəyiniz dərmanlarınızı daha yaxşı tanıyın.

• Dərmanın adı nədir və mən onu nə üçün qəbul etməliyəm?
• Hansı yan təsirləri ola bilər və mən nəyə diqqət yetirim?
• Bu yan təsirləri hiss edərsəm, nə etməliyəm?
• Bu dərmanı neçə müddət ərzində qəbul etməliyəm?
• Mən nədən bilərəm ki, onun təsiri var?

Siz eləcə də dərmanınızı daha yaxşı tanımaq üçün əczaçının köməyindəndə istifadə edə bilərsiniz. Aşağıdakı sualların verilməsini nəzərinizdən keçirin:

• Mən digər dərmanlarla birgə reseptsiz satılan (misal üçün aspirin) dərmanı qəbul edə bilərəm?
• günün hansı vaxtında dərmanı qəbul etməliyəm?
• Dərmanı yemək vaxtı qəbul etməliyəm?
• Bu dərmanı qəbul etdiyim zaman mən yemək, qida əlavələri, vitaminlər və ya otlar kimi şeylərdən uzaqlaşmalıyam?
• Etiketdə yazılanın mənasını mənim üçün aydınlaşdıra bilərsiniz?

Dərmanların idarə edilməsinin başlanması

Dərmanların idarə edilməsinin başlanması üçün ilk növbədə bütün dərmanlarınızın siyahısını tutun. Belə siyahı Sizə və tibb işçilərinə qəbul edəcəyiniz dərmanların izlənməsini asanlaşdırır. Həkim hər dəfə gələndə, ona dərmanların siyahısını, o cümlədən bütün baş vermiş dəyişiklikləri təqdim edin.

Siz dərmanların siyahısının hazırlanması üçün Sağlam Ürək Təlimatçım-dan istifadə edə bilərsiniz. Sadəcə “Dərmanlarım” altında “Yeni dərmanı əlavə et” düyməsini basıb dərmanın adını qeyd edin.

• Əmin olun ki, bütün qəbul etdiyiniz dərmanlar, o cümlədən reseptsiz satılanlar, qida əlavələri, vitaminlər və otlar da siyahınıza daxil edilmişdir.
• Dərmanınız dəyişərsə, siyahıda müvafiq dəyişikliyi qeyd edin.

Dərman qəbulunun yadda saxlanılması

Əksəriyyətimiz dərman qəbulunu yadımızda saxlayırıq. Lakin bəzən bunu yadımızdan çıxarırıq. Dərmanların vaxtında qəbulu üçün aşağıda göstərilənlər yardımçı ola bilər.

• Sağlam Ürək Təlimatçım -dan istifadə edin: oraya dərmanın adını əlavə edin və yada salmaq üçün proqramı aktivləşdirin.
• Dərmanlar qutusundan istifadə edin. Arakəsmələri olan dərman qutusunu alın və həftədə bir dəfə eyni gündə onu doldurun.
• İşarələrdən istifadə edin: bizim hamımıza dərmanı qəbul etmək kimi şeylərin yadımıza salınması üçün işarələr lazımdır. Sizin üçün əlverişli olan işarə seçin. Özünüz üçün qeyd yazın, təqvimdə qeyd edin, dərmanın qəbulunu yada salmaq üçün gündəlik taymeri qoşun.
• Özünüzə məsuliyyətli dost tapın: ailə üzvləri və ya dostunuzdan xahiş edin ki, dərmanın qəbul edilməsini yadınıza salsın.

Dərmanlarınızın idarə ediməsi üçün başqa məsləhətlər

• Sizə təyin edilmiş dərmanın yararlılıq vaxtının keçməsinə yol verməyin: əgər bu hal baş veribsə, həkiminizə zəng edin.
• Əvvəlcə həkiminizlə danışmadan heç bir dərmanın qəbulunu dayandırmayın.
• Dərmanın əldə edilməsini əvvəlcədən planlaşdırın.
• Yazılı məlumat istəyin
• Əgər dərmanın alınması üçün maddə çətinliyiniz olarsa, xərci tibb işçiləri ilə müzakirə edin.