MÜƏLLİMLƏR ÜÇÜN

maarifləndirici materiallar

Məktəblinin psixi sağlamlığı / MƏQALƏLƏR

Yeniyetmələrlə ünsiyyətdə müəllimlər üçün tövsiyələr

Yeniyetməni dinləməyi bacarmaq.
Komandada layiqli yer tutmaq imkanını təmin etmək (tapşırıqlar verməklə, ən kiçik uğurlarını təşviq etməklə, qabiliyyətlərinin axtarışı və inkişafı vasitəsilə).
Yeniyetməyə məsuliyyətli bir işi həvalə etməklə (məsələn, kollektivdə komanda adından danışmaq, çıxış etmək) ona inamınızı və etimadınızı göstərməklə.
Yeniyetməyə eyni taleyi olan gənclərə dəstək olmasına imkanı verin.
Uşağın sağlamlıq vəziyyətini bilin və yorğunluq əlamətlərinə diqqət yetirin.
Uşağı səhv davranışına görə cəzalandırın, lakin cəza münaqişə yaratmamalı, əksinə münaqişəyə son qoymalıdır.
Yeniyetmə ilə ünsiyyət sakitləşdirici olmalıdır.
Yeniyetmələrin davranışlarının təhlilinə yanaşma qiymətləndirici olmamalıdır, yeniyetmənin hərəkətlərinin müsbət və mənfi tərəflərini tapmaq və alternativ davranış yolları təklif etmək lazımdır.
Dərslərdə hər bir uşağın fərdi xüsusiyyətləri nəzərə alınmalıdır. Belə yanaşma öyrənmək çətinliyi yaşayan şagirdlərin gərginliyini azaltmağa kömək edəcək.
Tədris fəaliyyətləri yeniyetmələrə obstrakt və hipotetik düşünmə qabiliyyətinin inkişafına töhfə verməli və və daim dəyişən ehtiyaclara cavab verməlidir.
Yeniyetmələrlə ünsiyyət zamanı fiziki və psixoloji təzyiq göstərməkdən çəkinmək lazımdır.
Yeniyetmələrin fiziki dəyişikliklərini başa düşmələrini və qəbul etmələrini izah etmək.
Gündəlik həyatda fiziki sağlamlığın, idmanın əhəmiyyətini təbliğ etmək, özünə baxım, şəxsi gigiyenaya əməl etmənin əhəmiyyətindən danışmaq.