VALİDEYNLƏR ÜÇÜN

Qidalanmanın və sağlam həyat tərzinin əsasında qida təhlükəsizliyi dayanır. Qida təhlükəsizliyi – qidalarda ola biləcək fiziki, kimyəvi, bioloji və ya hər hansı bir zərərin qarşısını almaq üçün görülən tədbirlərdir.

Qida təhlükəsizliyində 5 vacib məqama riayət etmək lazımdır:

1.Qidaları insanlar, heyvanlar və parazitlərin səbəb olduğu çirklənmədən qorumaq;

2.Bişirilmiş qidalarda çirklənmənin qarşısını almaq üçün çiy və bişmiş qidaları ayrı qablaşdırmaq;

3.Patogenləri (xəstəliyə səbəb ola biləcək mikroorqanizmləri) yox etmək üçün qidaları uyğun temperatur və müddətdə bişirmək;

4.Qidaları uyğun temperaturda saxlamaq;

5.Xam maddələri və suyu çirklənmədən qorumaq.

 Satışda nəyə diqqət edilməlidir?

• Satışa verilən məhsullar Qanunvericiliyə uyğun şəkildə etiketlənməlidir.
• Satış şərtləri minimum texniki və gigiyenik xüsusiyyətləri təmin etməlidir.
• Qida təhlükəsizliyi tələblərinə cavab verən məhsullar satışa təqdim edilməli və məhsulların bu şərtlərə davam etməsi təmin edilməlidir. Yəni məhsulun saxlanma, qablaşdırma və daşınma qaydalarına riayət olunmalıdır.
• Soyuqda saxlanılması lazım olan məhsullara xüsusi diqqət yetirilməli, dondurucu dolabların və soyuducuların vaxtaşırı nəzarəti təmin olunmalıdır

(termometr nəzarəti, soyutma panellerinin təmizlənməsi və s).

Məhsul alarkən necə seçim etmək lazımdır?

* Sağlam, zədələnməmiş məhsul seçilib alınmalıdır.

* Açıqda satılan məhsulları almaqdan imtina olunmalıdır.

* Qablaşdırılmış məhsul alarkən onun vəziyyətinə, tamlığına diqqət edilməlidir.

* Etiket məlumatlarını oxumaq vacibdir.

Etiket məlumatlarında hansı bilgilər yer alır?

Məhsulun adı;

Məhsulun növü və tərkibi;

Miqdarı (çəkisi/həcmi);

Qida dəyərliliyi;

İstifadə sahəsi və qaydaları;

İstehsal tarixi və yararlılıq müddəti;

Saxlanma şəraiti;

İstehsalçının adı və ünvanı.

Faydalı tövsiyələr

Tez xarab olan ət, toyuq, balıq kimi qidaları aliş-verişin sonunda alin. Əgər tez zamanda istifadə etməyəcəksinizsə, ən çox 2 saat, isti havada isə, 1saat ərzində soyuducuya yerləşdirin.

Mənşəyi bilinməyən süd əvəzinə, pasterizə olunmuş və uzunömürlü südlərə üstünlük verin.

Paxlalı və taxıl məhsulları alarkən nəmli, böcəkli, kiflənmiş olmadığına diqqət yetirin.

 Yemək hazırlayarkən qida təhlükəsizliyinə riayət edilməlidir.

1.Yemək hazırlamamışdan əvvəl əllərinizi sabunla yuyun.

2.Qida məhsullarını istifadədən əvvəl təmiz yuyun.

3.Qida məhsullarını doğrayarkən fərqli lövhə və bıçaqlardan istifadə edin.

4.Yeməyi müvafiq temperaturda bişirin. İsti yeməkləri 60° və yuxarı temperaturda istifadəyə verin.

5.Soyuq qəlyanaltıları 5° və aşağı temperaturda saxlayın.

6.Artıq qalan yeməkləri otaq temperaturunda soyutduqdan sonra soyuducuya qoyun.